"တစ်လ၊ နှစ်လအတွင်း အပြီးမဟုတ်တောင် သိသာထင်ရှားတဲ့ အနေအထားတော့ ရောက်မယ်" ဟု ဦးခင်ရီကဆိုသည်။
အွန်လိုင်းဗီဇာစနစ် အကောင်အထည် ဖော်ရာတွင် ပြည်ပနိုင်ငံအသီးသီးရှိ ခရီးသွား များထံမှ ကောက်ယူမည့် ဗီဇာကြေးကို လက်ခံမည့် ဘဏ်များ၊ ငွေလွှဲစနစ်များအတွက် ပြင်ဆင်နေကြောင်း ၄င်းကရှင်းပြသည်။
e-Visa စနစ်ကို ၂၀၁၂ ခုနှစ် အတွင်းစတင်မည်ဟု ကြေညာခဲ့သော်လည်း လက်တွေ့တွင် စတင်နိုင်ခြင်း မရှိကြောင်း၊ မြန်မာနိုင်ငံ၏ နိုင်ငံရေး စီးပွားရေးပြောင်းလဲ လာပြီဖြစ်၍ ခရီးသွားလုပ်ငန်းနှင့် ရင်းနှီး မြှုပ်နှံမှုကို များစွာ အထောက်အကူ ဖြစ်နိုင်မည့် e-Visa စနစ်ကို အမြန်ဆုံးအကောင် အထည်ဖော်သင့်ကြောင်း ခရီးသွားလုပ်ငန်း ရှင်များက အကြံပြုထားသည်။
အာဆီယံဒေသတွင်း နိုင်ငံများမှ နိုင်ငံကူးလက်မှတ် ကိုင်ဆောင်ထားသူများ ဗီဇာလျှောက်ထားရန် မလိုဘဲ သွားရောက်နိုင်ရန် ဒီဇင်ဘာလမတိုင်မီ ဆောင်ရွက်မည် ဖြစ်ကြောင်း ပြည်ထောင်စုဝန်ကြီး ဦးခင်ရီက ဆိုသည်။
၂၀၁၁ ခုနှစ်မှစတင်ကာ နိုင်ငံ ၅၁ နိုင်ငံမှ ခရီးသွားများကို မြန်မာနိုင်ငံသို့ လာရောက်လိုသူများ အတွက် ဆိုက်ရောက်ဗီဇာ ထုတ်ပေးလျက်ရှိကြောင်း လူဝင်မှုကြီးကြပ် ရေးနှင့် ပြည်သူ့အင်အား ဝန်ကြီးဌာနက ထုတ်ပြန်ထားသည်။
No comments:
Post a Comment